උමතු පෙම්වතෙකි මම.....

වලාකුළු අතර දැවටෙන්නට

වරම් නොමැතිමුත් පුන්සද වෙත

නිල් අබර සිසාරා පියා සැලුමට

කාගෙන් තහංචිද සියොතුන් හට

හරිත වන පෙත් සිපගෙන

හමා යා හැකිනම් මද සුළගට

තුරු වදුල තුල සැගවෙන්නට

අවසර නැතිද මුව පොව්වෙකුට

ඇගේ සෙනෙහෙබර ආදරය

නොලැබෙනා බව දැන දැනම

මිරිගුවක් පසුපස හබායන

උමතු පෙම්වතෙකි මම.....

හැමදාම ඔයා සතුටින් ඉන්න ඕනේ.......

කාලයක් ඔයාගේ ජීවිතේ හිරු වෙලා හිටපු මම අද , ඔයාට නොපෙනෙන පුංචිම පුංචි තරුවක් වෙලා

මගේ ආදරය නොදැනෙන තැනකට ඔයා අද ගිහින්, දැන් ඔයාගේ ජීවිතේ හිරු වෙනකෙනෙක්.

එත් මගේ ආදරේ අඩුවෙලා නැහැ කවදාවත් අඩු වෙන්නෙත් නැහැ , හිරුගේ එලිය නිසා ඔයාට මාව නොපෙනුනාට

මේ පුංචි තරුව අහසට වෙලා හැම මොහොතකම ප්‍රාර්ථනා කරන්නේ ඔයාගේ සතුට.....

හැමදාම ඔයා සතුටින් ඉන්න ඕනේ.......

ප්‍රේමයේ පහන .....

ලොව බලා සිටින්නේ වරදින තුරු අපිට

ඩැහැගන්නට සතුට අප සදා ආදරයෙන් රකින

පරදා මායාවන් ජයගත හැකිනම් ආදරය

පතන්නට හැකි වේවි ඔබව හැම සසරේදීම

අදුර රජ කරනමුත් මාගේ දිවියතුල

හැකිවේවි ඔබට ගෙනෙන්නට ප්‍රේමයේ පහන

නිවෙන්නට නොදී රැකගනිමු පණමෙන් එය

අප දෙදෙනෙක් නොව එක් අයෙක් වන බැවින්....

මගේම මන්දාකිණිය වේ ඔබ.......

පහන් සිලක් මෙන් දිදුලන

ඔබේ සුන්දර දෙනයන

පරදයි නුබ ගැබ මත දිදුලන

තාරකා සියල්ලෙහි රශ්මිය

පුරන් වූ කෙත් යායක

භයංකර මරු කතරක

ප්‍රියංකර බව ඇතිකල

අහිංසක පොද වැස්ස ඔබ

නිමක් නැති වසන්තයක

සුගන්ධය විහිදුවන

සුසිනිදී සියපතක් මෙන්

දැනෙනවා මට ඔබේ සෙනෙහස

නිසංසල රාත්‍රියක මිහිරියාව සොරාගත්

අසංවරව රගදෙන මා දිවි සයුර මත

සුපෙම්බර පෙම් කවි රහසින් කොදුරන

මගේම මන්දාකිණිය වේ ඔබ.......